هو :
عايز اطلب بيتزا .. هاتكلي حاجة؟'
هي:
'لا.'
هو :
'اوكي.'
هي :
'و لا اقولك ..؟'
هو:
'ها . تحبي اطلب لك كمان؟'
هي:
'مش عارفة.'
هو :
'مش عارفة اذا كنتي عايزة حاجة؟'
هي :
'لأ.'
هو :
'انتي جعانة؟'
هي:
'يعني .'
هو :
' يعني ايه يعني...؟'
هي:
'يعني معناها مش متأكدة اذا كنت جعانةولا لأ.'
هو:
'الواحد لما يكون جعان بيعرف'
هي :
'مهو يمكن اجوع بعدين'
هو:
'يبقى اطلب لك بيتزا.'
هي :
'طيب و اذا مكنتش جعانه وقتها..؟'
هو :
'ما تاكليش.'
هي :
'بس كده بيكون تبذير'
هو:
'طيب . كليها بكرة.'
هي:
'و ان مكنش ليا نفس آكل بيتزا بكرة؟'
هو:
'نعم ياختي.. الواحد يقدر ياكل البيتزا كل يوم '
هي:
'انا لا .. ماكلش البيتزا الا لما يكون عندي نفس للبيتزا.'
هو:
'يبقى أطلب لك حاجة تانية'
هي:
'بس انا مش عايزة حاجة تانية"
هو:
'يعني عايزة بيتزا؟.'
هي:
'لا.'
هو:
'يعني مش عايزة حاجة؟.'
هي:
'لأ عاوزة.'
هو :
'جننتيني عايزة ايه؟'
هي:
'اطلب انت لنفسك..'
هو:
'اخيرا .. ماشي..'
هي:
'بس اطلب بيتزا بالتونا'
هو:
'بس انا مابحبش التونا.'
هي :
'بس انا بحبها.'
هو :
'هو انا اللي هاطلب ليا و لا لكي...؟!'
هي:
'لك طبعا.'
هو :
'طيب و ليه بالتونا. ..؟'
هي:
'يمكن اجوع لما يوصل الاكل'
هو:
'يعني؟'
هي :
'يعني فكرك آكل حاجة مش عاجباني؟'
هو:
'ليه هو انتي هاتاكلي؟'
هي:
'ليه لا ؟'
هو :
' يا مثبت العقل و الدين .. انا هاطلب بيتزا ليا , عشان انتي تاكليها اذا كنتي جعانه؟؟'
هي:
'بالضبط.'
هو :
'و انا آكل ايه؟'
هي :
'مهو يمكن ما أكنش جعانة...'
ملاحظة: محكمة الجنايات قررت الافراج عن الزوج المتهم بتهمة 'قتل الزوجة مع سبق الاصرار و الترصد' و تحويل القضية الى 'قتل الزوجة دفاعا عن النفس
خخخخخخخخخخخخخخخخخخ