(مــوظــف) فـــى شـركة (البطــالــة )العربيــــة ..اتفضلوا معانا

السلام عليكم ورحمة الله وبركاته


احمممم

هنا شركة البطالة العربية المتحدة نرحب بكم


وعلى السادة الركاب التوجه للصالة لشرب الشاى معانا << دا آخرنا

موضوعى كتبته من شدة عصبيتى من أناس فى محل عملى وطبعا محل عملى

ليس المقصود منه محل اللى بيشتروا منه البسكوت والشيكولاته

وانما محل عملى مكان شغلى <<< واحدة ذكاءها زايد

هؤلاء البشر سامحهم الله يبدأ يومهم كالتالى

الحضور للعمل << طبعا شئ أساسى

ويبدأ الواحد فيهم يومه ........ يا هادى يا رب وعينه بتطق شرار

علطول : انت يا واد يا بتاع البوفيه .. انت يا متخلف فين الشـــــــاى ؟؟؟؟؟؟؟

وسبحان الله ممكن يكون جاى من دقايق ......انما ازاى عم أشرف بتاع لبوفيه ما أحضرش الشاى

وعلطول السيجارة فى وش اللى خلفونا ومعاها كوب الشاى أو القهـــــــوة
ماهو اللى مش عجبه يروح يشرب من البحــــــــــــر

هو موظف وحــــــــر يشرب سجائر أو يشرب حشيش براحتــــــــــه

نمـــــــوت احنــــــــا ولا نفطـــــس فيه غير نا كتيــــــر

حتى يكون أريح ......حتى فرصة يعينوا الشباب اللى نايم على الرصيــــــــف

المهم نسيت حاجه ..........

لازم الجورنال أو الجريدة ويا حبــــــذا لو تكون جريدة معارضة << يا سلام عز الطلب

طبعا عشان لازم حاجه ما تعجبش سيادته يقوم وشه يحمر وودانه تزنهــــــــر

وعلطول اجتمـــــــاع لهيئـــــــــــة الموظفيـــــــن الفشلة من أجل خبـــــــــر


وكل منهم بجملة الى أن يتم التفريق منهم بقنابل مسيلة للدموع ورشاشات مياه

وكل منهم ياخد بخاطره ولا أكن الخبر دا جاى من بيت أبـــــــوه

وعلطول أشعر وكأننى فى سرادق عزاء

ولا آراكم الله مكروه فى عزيز لديكم << هذا ما يقال فى العزاء

________________________________________

الحمــــــــــد لله خلصنا من شرب الشاى وجرايد المعارضــــــــة

وممكن لو واحد لسه ما فطرش يقوم السندوتيش التمام أو الصاروخ الجوى أو حتى طبق ما فيش مشكله

يكون مظبطه عم بتاع البوفيه كمان <<< غلبان ربنا يعينه بيزود الأسعار خمسين فى الميه بس

المهــــــــــــم خلصنا من الكلام الفاضى دا

جه التقـــــــيل

اذا يعنى اذا موظف حفر الأرض وطلـــــــــع شغل يعملـــــــــه <<< طلع بترول

يا نهــــــــــار مش معـــــــــدى تحس انه أول واحد اشتغل فى الكون

أول من اكتشف الوظيفه

ممكن يحسسك انه بيقبضك من جيبه أو يجيبلك عقدة نقص

أو حتى بيأكلك على حسابه .........................والأهم تحمد ربنا انه طيقك تجلس بجواره

ويفضل يشخط وينتر والأقلام بتطير

طبعا ما هو حفر لحد ما طلع شغــــــــــل << حقه

وممكن آخره نصف ســــــاعه ويقوم ظهره مكسور ويطقطق فى صوابعه

ويكون الظهر أذن .......... الله أكبر

بالطبع منهم من يقوم للصلاة ومنهم من يظل ما لهوش مزاج يصلى

وهذا أكثر ما أحزننى

قد تجد موظف يناقش فى موضوع كبير عريض كيف أن الصلاة مش هى اللى هتدخل الواحد الجنة

وان فيه ناس كتير ما بتصليش !!!! اشمعنى هو أو لماذا هو على وجه الخصوص اللى ممكن

يعاقب بترك الصلاة

أكـــــــــاد أختنـــــــق من الحـــــــوار

حتى الصــــــلاة بيناقشوا فيها ........ اللهم عافينا <<< فـــــــــراغ



ونسيـــنا مجالس النميمة العربيه المتحدة كمان

ودا ولا فخــــــــــر من اختصاص الحريــــــــم بلا فخر نميمة تلاقى غيبة موجود

كذب على ودنه وبالطبع الا من رحم ربـــــــى

فشر كتير << يعنى فشــــــــر اشرحلهم لو سمحتى يا ضاحكة

يعنى تيجى الواحدة تقول جوزى جاب لى كذا وكذا وكذا من هنا للصبح

ممكن تلاقى صحبتها اللى كانت جنبها طلبت الطلاق يومها ودبت شكله وخناقه مع جوزها

والله كتير بشوف جوزات تهدد بالفشل من كتر مجالس الحريم اللى تودى السجن <<< عند أخونا عزوز


أنا الحمد لله والدى كان له منصب كبير فى الوزارة

واتعينت فى مكان كويس جدا كنت حاصلة على تقدير فى كليتى

ولكن فى النهايــــــــة أظل موظفـــــــه فى هيئــــــة البطاله العربيــــــة

وأعلم أن هذا ما يعانيه غالبية الموظفين العرب

ولذلك أدعوكم للحديث والحوار هل كلامى سليم

أم هذا عندنا فقط ؟؟؟؟؟؟؟؟؟؟؟؟

وما الحل ؟؟؟؟؟؟؟؟؟

هل يجب عليهم أن يقوموا بفصل الموظفين وترتيب مكان لهم على الصيف أو فى القهاوى أحسن ؟؟؟؟؟؟؟؟؟؟؟